RESOURCES IN NORTHERN SÁMI
Eale mánáin digiárgga. Jearat beaivválaččat mii lea digiárgii sáhkan. Ságastallama gánneha álggahit álo neahta somás áššiin. Dehálut go áigeráját ja “ruvttoáigi” lea diehtit maid mánná dahká, gos ja geainna. Bivdde máná čájehit ja muitalit maid siidduid ja applikašuvnnaid son millosepmosit geavaha.
Čuovo spesiálaáššedovdiid ásahan applikašuvnnaid ja spealuid ahkerájáid.
Dárkkis máná almmolaš profiillaid: sihkkarastte, ahte mánná ii geavat iežas gova almmolaš profiilagovvan, iige juoge dieđuid dego čujuhusa/telefonnummira/báikki, gos lea/skuvlla dahje dárkkes dieđuid mas lea beroštuvvan dahje govaid iežas ealliin
Váldde Telefonpárkka atnui. Telefonpárkka lihkostuvvan atnu addá vejolašvuođa doallat fásta bottuid digiapparáhtaid geavaheamis. Geavaheapmi doarju máná ráfoma eahkedis ja dorvvasta máná nahkáriid. Árrat sohppojuvvon oktasaš njuolggadusat telefonpárkka anu birra suodjalit máná digijohtolagas ja geahpedit konflivttaid boahttevuođas.
Lea dehálaš rávvet máná, ahte neahtas sáhttet somás áššiid lassin boahtit ovddal maid ártegis ja balddehahtti áššitge. Oahpat máná váldit šearbmagovaid somás ja suohtas áššiin. Rávve máná váldit álo šearbmagova diliin, mat orrot ártegat ja čájehit daid dorvvolaš ollesolbmui.
Bivdde mánás lobi ovdalgo válddát dahje juogadat sus govaid – mánná oahppá ovdamearkka bokte. Gudnejahte máná priváhtavuođa – govaid lea váttis maŋŋá váldit eret neahtas.
Buohkat dahket feaillaid maiddái digibirrasis. Leage dáid diliin empáhtalaš ja rievdat daid oahppanboddun.
